रबि लामिछानेसंग जोडेर मंत्री बर्षामानको चरित्र हत्याको कोसिस, रबिले लेखे यस्तो स्टेटस

, , Leave a comment

उर्जामन्त्री वर्षमान पुनको चित्र राखी न्युज पेपरको कटिंग बनाइ फेक समाचार बनाएको सम्बन्धमा मन्त्रि पुनको सचिवालयले आपत्ति जनाएको छ। नयाँ पत्रिकाको नक्कली कटिङ्ग बनाइ पत्रकार रबि लामिछाने ‘ठुलो भ्रष्टाचारी हुन्’ भन्ने शिर्षक राखेर मन्त्री पुनको भनाई भन्दै मनगढन्ते समाचार लेखिएको पिक्चर प्रति सचिवालयले ध्यानाकर्षण भएको बताउदै आपत्ति जनाएको थियो।

नयाँपत्रिका दैनिकको कुनै पनि पेजमा प्रकाशित नभएको भन्दै उक्त खवर झुटो भएको जानकारी सचिवालयले जनाएको छ । त्यस्तै पत्रकार लामिछानेको बारेमा समेत मन्त्रीले कुनै टिप्पणी सार्वजनिक नगरेको मन्त्री पुनका प्रेश संयोजक रोशन खड्काले स्पष्ट पारेका छन् । मन्त्री पुनको भनाई, फोटो र नाम जोडेर नक्कली कटिंग बनाइ बद्नाम गर्ने कोसिस भएको सचिवालले जनाएको हो।

यसै सम्बन्धमा रबि लामिछानेले समेत आफ्नो धारणा प्रस्ट राखेका छन्। नया पत्रिका ले यस्तो लेखेको हुन नसक्ने र मंत्री ले आफ्नो वारेमा यस्तो टिप्पणी नबोलेको हुन सक्ने समेत रविले आफ्नो फेसबुकमा लेखेका छन्। माननीय मन्त्री वर्षमान पुन र आफ्नो बारे फोटोशपको दुरुपयोग गरि भ्रामक समाचार बनाएर नयाँ पत्रीका दैनिक जस्तो प्रतिष्ठित पत्रीकाको समेत नाम दुरुपयोग गरि भ्रम र अफवाह फैलाउने माथी कानुनी कार्वाही सुरु भइसकेको समेत रविले जानकारी दिएका छन्।

यस सम्बन्धमा रविले फेसबुकमा यस्तो लेखेका छन्

माननीय मन्त्री वर्षमान पुन ज्यु र मेरो बारे फोटोशपको दुरुपयोग गरि भ्रामक समाचार बनाएर नयाँ पत्रीका दैनिक जस्तो प्रतिष्ठित पत्रीकाको समेत नाम दुरुपयोग गरि भ्रम र अफवाह फैलाउने माथी कानुनी कार्वाही सुरु भइसकेको छ। ब्यक्तिगत चिनजानका आधारमा भन्नु पर्दा,माननीय मन्त्री श्री बर्षमान पुन ज्यु ज्यादै सरल र मृदुभाषी स्वभावको हुनुहुन्छ।उहाँबाट त्यस्ता अभिव्यक्तिको सम्भावना नै छैन। मन्त्रीज्यु आफैलेपनि कहि कतै त्यस्तो अभिव्यक्ति नदिएको कुरा स्पष्ट पार्नु भएको छ भने नयाँ पत्रीकाले त्यस्ता कुनै समाग्री प्रकाशन नगरेको स्पष्ट पारेको छ। यसबाट कोहिपनि भ्रममा नपर्नुहुन म अनुरोध गर्दछु। सामाजिक संजाल प्रयोग गर्नुहुने सम्पुर्ण महानुभावहरुमा Fact Check नगरी कुनैपनी सामग्री माथी समर्थन वा बिरोध नगरि दिन हुन समेत म विनम्रता पुर्वक अनुरोध गर्द्छु।गलत समाचार प्रवाह गर्नेहरु कसैका मित्र वा शुभचिन्तक होइनन् ती त यो समाजकै दुश्मन हुन,जो एक अर्कालाई लडाएर भिडाएर मनोरञ्जन लिन्छन्। डाराएर लुकेर होईन मलाई भेटेर सिधै प्रश्न सोध्न सकिन्छ।फोटोशप गरि भ्रम छर्नेले प्रश्न गर्न खोजेको भए सुन्नु होला: भ्रष्टाचारको विरुद्ध आजीवन दरिलो आवाज उठाउने प्रण गरेको छु,आफ्नो पेशा प्रति पुर्ण बफादार छु,कुनै गैर कानुनी काम गर्ने गराउने छैन।तिर्नु पर्ने ऋण बाहेक कसैको एउटा ल्वाङपनि खाएको छैन,कसैप्रती दुर्भाव वा पुर्वाग्रह वा कुनै अपेक्षा राखि समाचार बनाएको छैन,बनाउनुपनि छैन।तैपनी पटक पटक मलाई र मेरो टिमलाई निरुत्साहित पार्ने प्रयास निरन्तर गर्नेहरुलाई धन्यवाद दिन चाहन्छु। त्यस्ता ब्यक्ती र समुहले गर्दा नै हाम्रो प्रगति भएको हो। त्यसैले कृपया अब अर्को नयाँ फन्डा वा मसला खोजी हामीलाई अझै दरिलो हुने प्रक्टिस गराएको गराई गरिदिनु हुन अनुरोध गर्द्छु।यस्ता झुठा, आधार हिन कपोलकल्पित आरोप र लान्छनाहरु लगाएर अल्मलिने बाल्यकालमा म छैन, हुर्की सके।Time मात्र Waste हुने यस्ता नन्सेन्स प्रयास नगरीदिनु होला। गोप्य मतदान बाहेक कुनै दल, सघ,संस्थाको सदस्यता कहिल्यै लिएको छैन,कुनै दलको कार्यालयमा र कुनै दूतावासको (भिषा निले प्रयोजन बाहेक)NGO/INGO को कार्यालयमा पाईला राखेको छैन। नेता छानी छानी भोट हाल्न सक्ने शक्तिशाली जनता र जिम्मेवार संचारकर्मी हु। खास कुरा यत्ती नै हो, एकदमै धेरै extra ईमानदारिता र आदर्शपनि खासै छ जस्तो लाग्दैन।
हो,संचारकर्मीहरुको पनि आय स्रोत, सम्पत्ति, कर तिरेको न तिरेको छानबिन हुनै पर्छ।सुरुवात मै बाट गरियोस्।भनेको समय,मिति र स्थानमा आफै हाजिर हुनेछु।र PLUS , कन्फ्युज गर्ने हेड्लाइन बनाएर सामाचार बेच्ने प्रयासपनि नगरिदिन हुन म साष्टाङ्ग दण्डवत गर्दै अनुरोध गर्दछु। धन्यवाद।

 

Leave a Reply