हप्ता दिन नहुदै कीर्तिमानी कामिरिता शेर्पा राखे फेरि अर्को किर्तिमान

सबैभन्दा धेरै पटक सगरमाथा आरोहण गरेर कीर्तिमानी राखेका आरोही कामिरिता शेर्पाले दिन प्रति दिन आफ्नै रेकर्ड तोड्दै चमत्कार गर्दै छन्। अहिले सम्म सबै भन्दा बढी २३ औ पटक सम्म सफल सगरमाथा आरोहण गरिसकेका सफल आरोही कामिरिता शेर्पाले सगरमाथाको २४ औं सफल आरोहण समेत गरेका छन्। २३ औ पटक सगरमाथा चढेको किर्तिमान बनाएको एक हप्ता पनि नहुदै कामिरिता शेर्पाले फेरि सगरमाथा आरोहण गर्दै २४ औ पटकको सफल आरोहण गरेर विश्वमै दुर्लभ नयाँ कीर्तिमान राखेका हुन् ।

मंगलबार बिहान ६:३८ मिनेटमा कामिरिताले २४ औं सफल आरोहण सम्पन्न गरेको सगरमाथा आधार शिविरबाट सम्पर्क अधिकृत ज्ञानेन्द्र श्रेष्ले जानकारी दिए । अघिल्लो बुधबार २३ औंपटक सगरमाथाको चुचुरोमा पुगेका उनले एक साता पनि बित्न नपाउदै आफ्नै कीर्तिमानलाइ तोडेर अर्को किर्तिमान राखेका हुन्। यस अघि नै कीर्तिमानी आरोही कामिरिताले आफु सगरमाथा २५ औ पटक सम्म आरोहण गर्ने बताएका थिए।

सन् १९९४ मा पहिलो पटक सगरमाथा आरोहण गर्नु भएको शेर्पाले सगरमाथा चुचुरो सम्म २५ औ पटक सम्म पुग्ने लक्ष राखेका छन्।

Leave a Reply

Your email address will not be published. Required fields are marked *